Shtetet e Bashkuara kanë vendosur sanksione ndaj shtatë oligarkëve rusë dhe 17 zyrtarëve të lartë qeveritarë, duke i akuzuar për “veprimtari malinje rreth globit”.
Dymbëdhjetë kompani në pronësi të oligarkëve, eksportues të armëve shtetërore dhe një bankë gjithashtu janë sanksionuar, transmeton portali arbresh.info
Sekretari i Thesarit, Steven Mnuchin tha se ndëshkimet synonin ata që përfitonin nga “sistemi i korruptuar” i Rusisë.
Sipas tij, masa është përgjigjje ndaj ndërhyrjes së supozuar të Rusisë në zgjedhjet presidenciale të vitit 2016.
Sanksionet gjithashtu po vendosen për shkak të veprimeve të ndërmarra nga Kremlini në Krime, Ukrainën lindore dhe Sirinë, tha Mnuchin në një deklaratë të premten.
Ai akuzoi qeverinë ruse për aktivitetet kibernetike “me qëllim të keq” dhe tha se sanksionet do të synonin “ata që përfitojnë nga regjimi i Putinit”.
Ky është veprimi më agresiv i marrë nga administrate Trump kundër Moskës.
Muajin e kaluar, Shtetet e Bashkuara vendosën sanksione ndaj 19 rusëve, duke i akuzuar ata për ndërhyrje në zgjedhjet e vitit 2016 dhe sulmet kibernetike.
SHBA gjithashtu ka dëbuar dhjetra diplomatë rusë në përgjigje të helmimit të një ish spiunit rus në Britani të Madhe./arbresh.info/
Barella: Sot kundër një skuadre shumë të fortë dëshmuam se m...
Kurti: Të përkushtuar për të vërtetën dhe për drejtësi për t...
Shpërthimet në Liban, reagon kryeministri izraelit Netanyahu
Raportohet për një lëvizje të mundshme të Zhegrovës në të ar...
Biden pret të hënën homologun e Emirateve të Bashkuara Arabe...
Finlanda e mbron vendimin për të blerë armë izraelite